Empresas Aloxadas

O proxecto Enllo consiste nunha ferramenta software online destinada a calquera organización ou a calquera persoa que desenvolva o seu traballo en forma de tarefas, ordes de traballo ou ideas e que precise tanto xestionar este de xeito eficiente como extraer información trala súa realización para optimizar os seus procesos e aumentar o rendemento. Este produto consiste nunha aplicación web e nunha móbil que facilitan a organización do traballo a través de taboleiros estilo Kanban, os cales permiten a visualización áxil da carga de traballo e a xestión da mesma, ademais de asignar facilmente as tarefas a recursos.

Con Enllo permítese a administración sinxela das ideas, tarefas, traballos, recordatorios, etc. Ofrece unha comunicación bidireccional entre os xestores e os que realizan ditas tarefas e ademais ofrece a posibilidade de presentar informes útiles para poder aumentar a produtividade da organización. Ademais, permitirá unha integración coas principais ferramentas software máis utilizadas.

Diferénciase do resto de ferramentas da competencia en que o propio sistema extrae coñecemento da realización do traballo e obtén información moi valiosa para o cliente de forma automática mediante o procesamento da linguaxe natual (PLN). Utiliza técnicas de deep learning (DL) e intelixencia artificial (IA) para poder responder de forma automática, coma se se tratase dunha persoa, a cuestións coma o grao de satisfacción dos clientes e empregados, problemas habituais na realización das tarefas, produtos percibidos satisfactoriamente, etc.

PROMOTORES

Eugenio Novás Cortés

Yago M. González Diéguez

Adrián Brañas Castro

CONTACTO

info@ensilabs.com
+34 881 01 5757
www.ensilabs.com

Redes:
www.linkedin.com/company/ensi-labs
www.facebook.com/ensilabs
twitter.com/ensilabs