O desenvolvemento do programas Sustenta supón a identificación, a xerarquización e a análise dos resultados da investigación que se realiza no ámbito dos campus Sustentabilidade. Está dirixido en concreto a resultados de investigación que reúnan condicións de aplicabilidade e interese de transferencia.
A avaliación preliminar dos resultados de investigación permitirá coñecer o potencial dos coñecementos alcanzados e poñelos en valor. Ademais, esta información pode utilizarse como ferramenta para orientar a estratexia que se debe seguir e para coñecer as posibilidades de transferencia que poden chegar a ter os ditos resultados.
Esta iniciativa constará de dúas fases que serán xestionadas e coordinadas pola OTRI da UDC en colaboración co campus Sustentabilidade:
- Fase de xerarquización das solicitudes
Todas as propostas presentadas serán avaliadas co obxecto de establecer unha listaxe en que aparecerán xerarquizadas de acordo co seu potencial de transferencia.
- Fase de análise das solicitudes
A solicitude de cada unha das áreas de especialización singular do campus Sustentabilidade mellor puntuada na fase anterior pasará á fase de análise.
Realizarase unha análise individualizada dos puntos críticos de valor dos resultados de investigación seleccionados, mediante o estudo das súas viabilidades básicas de innovación (técnica, económica, comercial e reguladora).
As solicitudes deberán ser presentadas segundo o formulario oficial (anexo I) e enviadas en formato PDF por correo electrónico ao enderezo: otri.valorizacion@udc.gal.
O prazo de presentación de solicitudes abrirase tras a publicación desta convocatoria na páxina web da OTRI e rematará o día 8 de novembro de 2018.