Con motivo da publicación o pasado 11 de abril da convocatoria de accións individuais Marie Skłodowska-Curie (MSCA), a OTRI da UDC, en colaboración co CICA, organiza unhas charlas para dar a coñecer as posibilidades que esta convocatoria ofrece para a captación de talento.
Esta convocatoria ten como obxectivo a mellora do potencial creativo e innovador dos investigadores/as con experiencia, a través de proxectos individuais, que fomenten a mobilidade internacional e intersectorial.
- Data: 6 de maio de 2019
- Lugar: sala de actos do CICA (campus de Elviña)
- Horario: 10:00 h a 12:00 h
Prégase confirmación de asistencia por medio dun correo electrónico dirixido a otri.aula@udc.es antes das 14:00 horas do venres, 3 de maio 2019.
